انواع السحالي في المجالس

بس قبل ما ابدا

بقول شي مره مهم

الحمد لله انا ولا قسم من هاؤلاء انا اسبيشل

هههههههههههههههههههههههههههه

والتقسيم كالاتي ::

النوع الاول
فيه نوع من الحريم طول الجلسه وهي تمدح في بناااته (تطبخ مؤدبه محافظه تسمع الكلام ماله صوت .....الي اخره)هاذي معناته تعالو اخطبووو بنتي وانا لاانكر اهميه الدعايه والاعلان بس بصدق عاد

النوع الثاني
المتذامرات وهي طول الوقت تجلس تسب وتشتم بجيل هالوقت العجازات اللي مايطبخون حتي الغرفه الشغاله ترتبه حتي الموويااا ترسل احد يجيب له وعلي قولتهم (اشوى ان الصلاه مايجوز احد يقوم فيها غيرهم كان عطو الشغاله 5 ريالات تصلي عنهم)

وطبعن الحديث الي دايم نسمعه
حاافظنااه من كثر مانسمعه : الله يرحم ايامنا يوكنا نزعب الماء من البير ونطحن بالرحى ونكنس الحوش بمكنسه القش
طبعن هاااذي جددتي
حرام مهيب امي

والاكثر شباب من هاذي الفئه فتقول :يوم انا كبركم عندي 3 عيال ولاشغاله ولاشي ومافي حفاظات والرجال ذابحني عزايم وذبايح وخالتي حااره وكنا مع الحموله ساكنين وكل يوم وحده تطبخ

والاكثر شبااااب من الي قبل تقول :جبت الثلاثه من عيالي وانااا ادرس وتخرجت وصرت معلمه ولااحد ساعدني ارجع من الدوام اطبخ وادرس العيال واتحمل مسؤليتهم.....

وهناك نوع الشاكيه الباكيه::

من اول ماتشوفه وهي رجلي عظامي مانمت صداع في بطني كحه اوجسه تطلع من بين ضلوعي حارق في كبدي خدار في ايدي .... الخ
وكل ماشفته وقلت شلونتس ياخاله قالت حالتي ماتسر عدو ولاصديق؟؟

وهناك نوع استشاري طب العائله طبيبه تخصص باللادويه الشعبيه:
أي مرض او شكوى واصابه له عنده حلول تترواح مابين (المره والرشاد والكمون)
غير التهميز والكمادات والتمريخ

ونوع اخر بعد::
المصاابه برهاب الحسد والعين والسحر والمس
مابين كل كلمه مشالله تبارك الله ولايمكن تمدح بيتها ولاعيالها او زوجها او بيتهاا طول الوقت مرضي
والحياه عندها تجيب الهم والكدر

النوع الاخير::
الملقوفات فتجد في كل مجلس لازم وحده علي الاقل منهم كأنها بوظيفه استخبارت جنائيه
تجلس تحقق مع كل وحده
: كم راتب زوجك؟؟ كم كاس رز تطبخون علي الغداء؟؟ كم مره تطلبون عشاء من المطعم؟؟وين رحتو؟؟ منين جيتو؟؟ زوجك يشتري لك هدايا؟؟ ماتسافرون في الاجازة؟؟ تقولها ظروف تقولوشهي ظروفكم؟؟ماديه ولازوجك مايرضي ....الخ

وتعبت والله هاااذااا الاغلبيه الي نشوف ولااااااااااا وش رايكم يابنااات؟؟

الموضوع برعاية بطاطس ليز و شوكلاه باونتي بس تراه خلص من بدايه الموضوع

اقتباس :

فيه نوع من الحريم طول الجلسه وهي تمدح في بناااته (تطبخ مؤدبه محافظه تسمع الكلام ماله صوت .....الي اخره)هاذي معناته تعالو اخطبووو بنتي وانا لاانكر اهميه الدعايه والاعلان بس بصدق عاد

هههههههههههههههآيـ
يســلمو بنوتـه كوُل

» السحالي----> مواصفات خاصة هههههههه